Berriak

RRS Sir David Attenborough ontziak, Cammel Lairden uretaratua, Alconzaren bi motor elektriko izango ditu.


Alconzak itsas-ikerkuntza ontzietarako zarata gutxiko motor elektrikoen fabrikatzaileen artean duen kokalekua indartu du

  

Ikerketa ontzietarako propultsatzaile elektrikoen esparruan beste urrats bat eman berri du Alconzak, berriz ere erreferentzia izanda. Oraingo honetan azken belaunaldiko bi motor sortu ditu, 140 bira minutuko abiadan 5500 kW ematen dutenak. Joan den uztailaren 14an Cammel Laird ontziola britaniarran uretaratu zuten RRS Sir David Attenborough ontziak daramatza aipatutako bi motorrak eta batez ere Antartika aldean arituko da lanean.

Ontziaren funtzio nagusia itsas-ikerkuntzan datza, horregatik motor isilak eta bibrazio urrikoak beharrezkoak ditu, faunak eta itsas-inguruneak ahalik eta kalte eta ondorio ezegoki txikienak jasan ditzaten. Esan dezagun Alconzaren bi motorrak tandem moduan eratu direla eta helizeetara zuzenean lotuta daudela. Det Norske Veritas (DNV) delakoaren ‘Silent R’ araudia betetzen dute.

Propultsatzaile elektriko biak abiadura gutxikoak dira eta horri esker ez dute erreduktorerik behar eta minutuko 0-186 bira bitartean lan egin dezakete. Hozte-sistemari dagokionez, ostera, Alconzak zarata eta bibroakustika esparruetako baldintza guztiak kontuan hartu ditu. Motor elektriko bi hauek Rolls-Royce propultsatzaile biren osagarriak dira. Modu honetan propultsio-paketea erabat osatu izan da, “Polar Class 4” delakoaren ezaugarri teknikoak aintzat harturik.

Motor elektrikoen zarata urriak garrantzi handia izan du ontziak Lloyd’s Register LR (CAC1) araudia bete ahal izateko eta gogora dezagun egitura eta dardara alorretan aplikatzen den araudi zorrotzena dela. Hala izanda, tripulazioak erosotasun handia goza dezake barruan.

Alconzak RRS Sir David Attenborough ontziari egindako ekarpen teknologikoak argi uzten du halako ontziak hornitzeko ahalmen teknologiko eta produktibo onenak dauzkala, muntaketa zurruneko motor asinkronikoetan oinarritutako konponbideak eskainita. Izan ere, konponbide honek abantaila handia dakar ikerkuntza-ontzietan ohikoak diren korronte zuzeneko motorren eta euskarri malguen aldean, emaitza garestitu eta paquete propultsatzailea zaildu egiten baitute azken horiek.

Cammel Lairdeko ontziolei motorrak eman aurretik Alconzak bere teknologia egokia zela erakutsi zuen, fabrikan egindako onartze proben (FAT) bitartez. Era horretan propultsatzaileek bezeroak ezarritako zehazpen guztiak betetzen zituztela egiaztatu zen.

Britainia Handiko Natural Environment Research Council da RRS Sir David Attenborough ikerkuntza-ontziaren jabea; dena den, British Antarctic Surveyk erabiliko du Antartikan ikerkuntzan aritzeko. Ontziak 128 metro luze ditu eta munduko zientzia-ontzi aurreratuenetakotzat hartua da. 60 egunetan erregairik berriztu gabe ibiltzeko gai da, baita metro eta erdiko izotza hausteko ere.

Ontzi honek 19000 itsas-miliako bideak egin ditzake erregai eta hornidura arloetan laguntzaren beharrik izan gabe, aldi berean tripulazioaren erosotasuna eta segurtasuna optimizatzen dituelarik. Kontuan izan behar da bidaiari gehienak ingurugiro arloko zientzialariak izango direla, ikerkuntza lana ontzian bertan burutuko dutenak alegia; hau hala dela, ontziaren bizigarritasuna eta erosotasuna ahalik eta onenak izatea benetan funtsezkoa da. Alconzaren ekarpen teknologikoak zeresan handia izan du helburu hori betetzeko asmoz.

Ontziaren izenak David Attenborough naturalista eta zientzia-zabaltzailea omendu nahi du. Attenborough Jaunaren dokumentalek ospe izugarria dute mundo osoan, bai zientzia-zehaztasunari bai ikus-entzunezko narrazio apartari -zinematografiatik hurbil- esker.

Hiru milioi euroko inbertsioa egin da motor elektrikoak diseinatu, garatu eta fabrikatzeko


 

Alconzak 230kWko eta 160 kWko bi propultsatzaile sortu ditu Irizar Taldeko ibilgailuentzat

  

Alconzak hiru milioi euroko inbertsioa egin du goi-teknologiako motor berriak diseinatu, garatu eta fabrikatzeko. Motor horiek Irizar Taldeko zenbait ibilgailu elektrikok erabiliko dituzte. Gogora dezagun Alconza gaur egun Irizar Taldearen barruan dagoela. Zehatzago azalduta, 230kWko eta 160 kWko bi motor elektriko sortu dira “Irizar ie” izeneko sortarentzat.

Potentzia handiagoko motorrak 18 metroko “ie bus” autobusetan erabiliko dira, baita ‘ie tram’  autokar artikulatuetan ere. 160 kWko motorrak, aldiz, 12 metro bitarteko autobusek eramango dituzte. Beste aldetik, ‘ie truck’ kamioiek 230 kWko bi motor izango dituzte, bata propultsiorako eta bigarrenak bateriak kargatzeko energia sortzeko funtzioa beteko du.

Garapen teknologikoak eta motorrak seriean fabrikatzeak inbertsioaren bi heren baino apur bat gehiago eskatu dute. Alconzak fabrikazio-prozesu osoa burutu du, alegia, txapa pikatu eta paketatzea, errotorea eta estatorea muntatzea, estatorea karkasan kalatzeko eta ardatza errotorean kalatzeko lerro automatikoak eta, azkenik, ekipoak probatzeko laborategi-baliabideak. Inbertsioaren gainontzeko kopurua bobinaketa lerro automatiko bat egiteko erabili izango da, ekoizpena modu nabarmenean handitzeko aukera emango du eta.

Alconzak hiri-elektromugikortasun arloko aukerak aniztu ditu, ontzigintza esparruko salmentak ugaritu dituen bitartean. Izan ere, ontzigintzari dagokionez, 50 MVA bitarteko sorgailu hidroelektrikoen alorrean Alconzak gorantz egin du. Merkataritza-politikak esportazioak sustatzea ahalbidetu du, egindako produktuak hainbat herrialdetan banatuta: Frantzia, Italia, Norvegia, Txile, Georgia, Vietnam eta Indonesian, beste batzuen artean.

Bestetik, motor elektrikoen fabrikatzaileen artean Alconzak gero eta kokaleku hobea du iman iraunkor teknologiari esker. Teknologia esparru hori menperatzeak sektore anitzei konponbide-sorta zabala eskaintzeko aukera eskaini du, adibidez ontzigintza, hidroelektrika eta industria sektoreei.

 Berri osoa: PDF Empresa XXI-erako Linka

Alconzak akuikultura esparruko lehenengo ontzi hibridoaren propultsio elektriko sistema sortu du.


Norwegian Gannet ontziaren uretaratzea. Alconzak ontziaren garapenean lagundu du

 

Hav Line Gruppen armadore norvegiarraren Norwegian Gannet ontzia, Gipuzkoako Balenciaga ontziolan inoiz egindako ontzirik handiena.
Izokinak garraiatu eta prozesatuko ditu Norvegiatik Danimarkara

  

Alconzak Norwegian Gannet ontzirako propultsio elektriko sistema egin du. Ontzi hau akuikulturan arituko den lehendabiziko ontzi hibridoa da, baita Balenciaga ontziolan (Zumaia, Gipuzkoa) egindako ontzirik handiena ere. Alconzaren esku-hartzeak agerian uzten du etxe honek itsas-propultsiorako teknologia jasangarrietan aurrera egiteko daukan konpromiso irmoa, ingurugiroari begirunea erakusten dioten teknologietan alegia. Ontziak Norvegiako kostaldean garatutako akuikulturak ekoiztutako izokinen garraioan eta prozesatzean jardungo du.

Norvegiako Hav Line Gruppen armadorea ontziaren jabea da. Ontzia abuztuan entregatuko da, beraz une hauetan azken fasean dago honezkero. Armadoreak Finlandiako Wärtsilä konpainiari agindu zion motorrak diseinatu eta fabrikatzeko. Korporazio finlandiarrak, bere aldetik, erabateko konponbide bat eskainiko dio Balenciaga Ontziolari: 10 zilindroko Wärtsilä 31 diesel-motor nagusi bat, Alconzak fabrikatutako propultsio elektriko sistemarekin batera. Propultsio elektrikoak unean uneko beharrei eta eskaerei egokitutako potentzia-soberakinak eman ditzake, modu horretan erregai-kontsumoa gutxitu dadin eta motorraren karga-gorabeherak xurga daitezen. Horrez gain, sistema honek eraginkortasun handia eskaintzen du, isurpenak gutxitzen dituen bitartean.

Norwegian Gannet esparruko ontzirik osoenetako eta sofistikatuenetako bat da. Urtean 150.000 tona izokin prozesatzeko ahalmena dauka. Bergen hirian izango du egoitza eta arrainak Norvegiako kostaldetik Danimarkara astean hirutan eramango ditu. Ontzian garraiatzeak onura garbia ekarriko dio ingurugiroari, prozesuarekin lotutako isurpenak modu nabarmenean gutxituko baititu. Zehatzago esanda, astean 150 trailer errepidean abiatzea ekidingo du. Horrek karbono-aztarna urtean 7.000 tonatan gutxitzea ahalbidetuko du.

Diseinuaz gain Wärtsiläk beste hainbat betebehar izan ditu: aipatutako 10 zilindroko Wärtsilä 31 diesel-motorra fabrikatu, propultsio-makineria, propultsiorako eta automatizaziorako urrutiko aginteak, baita Alconzaren propultsio elektriko sistema ere. Motorrak 6.100 kWko potentzia dauka eta bezeroaren beharrak asetzeko asmoz diseinatu da, konponbide eraginkorra eta jasangarria ziurtatzekotan.

Ontziaren propultsio hibridorako makineriak PTI/PTO (power take-in/ power take-off) izeneko sistema dauka, bateriek bultzatua, diesel-motor nagusiarekin konbinaturik. Bateria hibridoa ikuspegi ekologiko batetik jasangarria da eta mota honetako ontzietan erabat berritzailea da.

Norwegian Gannetek 94 metro luze eta 18 metro zabal ditu. Gainera 10,30 metroko eskora dauka eta 4.000 tonako pisua. Tripulazioa 53 lagunek osatuko dute, gehienak akuikulturatik etorritako izokinak prozesatzen arituko direlarik. Singladura bakoitzean 1.000 tona inguru eraman ditzake. Balenciaga Ontziolak baldintza zorrotz batzuk bete behar izan ditu, hala ontziaren neurrietan nola ezaugarri teknologikoetan.

Tripulazioaren erosotasunak garrantzi handia izan du ontzia eta lan-espazioak diseinatzeko orduan, Norvegiako armadoreek eskatu ohi dituzten kalitate-estandar zorrotzen ildo beretik. Kubiertetako batek biltzar-areto bat dauka, bertan balizko bezeroei eta arrain-hornitzaileei harrera egin ahal izateko. Ontzia erabat prest dago Europar Batasunak arrainak prozesatzeko jardueran ezartzen dituen osasun-neurri guztiak betetzeko.

 

Ontzia uretaratzean eginiko bideoa

Norwegian Gannet ontziari buruzko informazio gehiago behar izatekotan:

Noticias de Gipuzkoa Astilleros Balenciaga bota en Zumaia su mayor buque

Sector Marítimo: Balenciaga bota el Norwegian Gannet

Ground-breaking Wärtsilä design features the world’s first hybrid propulsion solution for fish farming industry

Alconzak Norvegiako Kronprins Haakon ontzi izotz-hauslearen bi motorrak egin ditu


Argazkia: © Kronprins Haakon

Ontziak itsas-ikerkuntzari ekingo dionez, propultsatzaileek ahalik eta zaratarik eta bibraziorik txikiena sortuko dute

Alconzak Kronprins Haakon ontzi izotz-hauslearen bi motorrak diseinatu eta egin ditu. Armadorea Norvegiako Institutu Polarra da eta ontzia itsas-ikerkuntzan arituko da. Motor horien potentzia 5.700 KWkoa da -7650 HP- eta, beste zenbait ezaugarriren artean, E0rako ezarritako estandarrak betetzen ditu, alegia, 3. Nabigazio-Klasea (PC3: Polar Class 3) eta CMF-V(3). Propultsatzaile hauekin Alconzak ezaugarri mekaniko onenak lortu nahi ditu, baita erosotasunik handiena ere, sonoritatea eta marmarrak urritzeari esker. Horrez gain, motorrak diseinatzeko orduan itsasoa babestea ere oso kontuan hartu da, ontzi isila eta bibrazio urrikoa lortu baita itsas-biomasaren baitan kalterik edo eragin txarrik sor ez dadin.

CMF-V(3) standarraren bitartez erosotasunik handiena lortu nahi dugu. Ildo horretatik, Alconzako espezialistek arretarik handiena jarri dute motor bakoitzaren diseinuari eta probei ekiteko orduan, halako errendimenduko motorrek izan ohi dituzten bibrazioak eta zaratak gutxitzeko asmoz.

Zarata eta bibrazio maila baxu horren zergatia motorraren tostari lotutako konexio zurrunean datza, zeren konponbide horrek ontziaren barrualdean egin beharreko muntaia errazten baitu; aldi berean, ardatz-marren kalkulua sinplifikatu egiten du. Bestetik, motorra euskarri elastikoen gainean jartzea baino merkeagoa ere bada.

Motorrek E0 eskakizunak betetzen dituzte. Gogora dezagun eskakizun horiek makineria etengabe artatuta ez duten ontziei begira ezarri zirela. Modu horretan Alconzak motorren fidagarritasuna eta monitorizazioa une ororako aurreikusi du.

Polar Class 3 deritzonak urte osoan zehar bigarren izozte-urteko izotzen gainean egiten den nabigazioa adierazten du. Egoera honetan hainbat urteko izotz-zatiak azal daitezke. Alconzako ingeniariek, nabigaziorako egoera zail honi aurre egiteko, diseinu-irizpide berezi bati heldu diote, motorren ezaugarri mekanikoei eta termikoei dagokienez. Aipatutako guztiak oso helburu nagusi zehatza du: ontziak ikerkuntza jarduera ahalik eta egoera onenean burutzea.

Alconzak oso aintzat hartu du ontziko zientzialariek haien azterketa eta kalkuluak egoera egokian egin ahal izatea, alegia, propultsioak sortutako dardarek eta zaratek zientzialariengan eragin kaltegarririk sortu gabe. Zarata maila urriak itsas-biomasan ere eragin onuragarria du, ezen animaliek –baleek esate baterako- ez baitute eragin kaltegarririk jasaten ontzia ur azaletik igarotzean.

 

 

Motorren beste ezaugarri aipagarria bere kojinete-sistema da. Sistema hidrostatikoari esker, minutuko oso bira gutxirekin lan egiteko diseinatu da. Larrialdietarako ponpak ere ezarri zaizkie, kojinete-sistemaren segurtasuna hobetzeko eta kojineteen labainketa bermatzeko asmoz.

Azkenik, Alconzak motor bien inklinazioetarako ezarritako baldintza zorrotzak gainditu ditu. Izan ere, motorrak 15º eta 22º bitarteko inklinazio estatikoetara molda daitezke egoera dinamikoan.

Ontzi izotz-hauslearen motorrek betetzen dituzten ezaugarri teknikoak ondokoak dira: DNV Certificated. DNV + 1A1, E0, RP, NAUT-OSV, CLEAN DESIGN, PC-3 ICEBREAKER, DAT(-35ºC), WINTERIZED BASIC, HELDK-SHF, DYNPOS-AUTS, COMF-V(3)/C(2) eta DK(+).

Kronprins Haakon ontzia Fincantieri ontziolan sortu dute, Triesten (Italia), Rolls Royce Marinerentzat. Itsas-ikerkuntzarako tresna berrienak dauzka eta urte osoan izozturik dauden uretan lan egiteko gai da.

 

Hidroelektrizitate sorgailu Renace zentralaren 2. faserako


 Renace II

Proiektu honen lau faseei esker Renace elektrizitate sortzaile pribatua Guatemalako zentral hidroelektrikorik handiena izango da, proiektu osoa bukatu eta gero 306MW-ko ahalmena izango baitu instalatuta guztira.

Alconzak proiektu horren bigarren fasean parte hartu du, non San Pedro de Carcha (Alta Verapaz) udalerriko biztanleen hornidura elektrikoa hobetu baita, Cahabon ibaia ustiatuta.

Alconzako lantalde teknikoa bukatu berri ditu 33,76MVA-ko potentzia duten 4 sorgailu 450 bira minutuko abiaduran, 13,8KV-tan, abian jartzeko lanak. Sorgailu horiek, Alconzak diseinatu eta fabrikatu ditu, hidroelektriko aplikazio diseinuetan espezializatutako konpainia baita. Proiektuaren fase honetan, kontzeptu berezi bat garatu du, bibrazio maila txikikoa eta mantentzen erraza dena, makina-turbina multzoak erabat muntatuta dagoenean ardatza askatzea erraztuta.

Alconzak hidroelektrizitate sektoren duen posizioa indartu nahi du, bere produkzio planta handitzeko egin dituen azken inbertsioen bitartez, makina neurri handiagoak hartu ahal izateko.

Berri honi buruzko informazio gehiago: Complejo hidroeléctrico Renace generará 306 megavatios